FORGE 20th Anniversary Celebration “Sustaining the Passion for our Vision”

Ang FORGE nagsaulog sa among ika-20 nga anibersaryo niadtong Disyembre 10, 2008 sa Sacred Heart Center, Cebu City. Tema sa maong selebrasyon ang “Sustaining the Passion for our Vision”. Ang maong kasaulogan halad sa FORGE sa tanan niining partners – urban poor associations, mga kabus nga pamilya, mga kabataan, mga barangay, mga NGOs, mga ahensya sa gobyerno, mga local government units sa Metro Cebu, ug uban pa – nga nakatampo og dako sa among tinguha sa usa ka katilingban nga adunay kaangayan ug kalambuan alang sa tanan.

Nagsugod ang kasaulogan sa pag-lunsad sa libro sa FORGE nga giulohan og “The Power of Communities: the Untold Stories of the Urban Poor in Cebu” nga gisuwat sa among Executive Director nga si Ana Maria “Gwen” Rellin – Ngolaban.

Gisundan kini og usa ka cultural show diin gipakita ang kasaysayan sa FORGE pinaagi sa mga core values niini sama sa commitment and voluntarism, empowering service, pluralism, ug body-mind-spirit wellness. Ang mga gwapa ug gwapo nga mga staff nagpakita sa ilang talento. Ang mga staff ni-arte, ni-kanta, ug nisayaw sa maong presentasyon.

Pagkahuman sa cultural show, nisunod ang usa ka konserto kauban si Gary Granada. Ang bisita gi-harana sa mga nindot ug mabulokon nga mga kanta ni Gary.

Mapasalamaton ang FORGE sa tanang nisalmot ug ni-uban kanamo sa pagsaulog sa among ika-20 nga anibersaryo. Nanghinaot mi nga mopadayon ang atong panag-uban ug pagtambayayong sa pag-usab sa katilingban.

……………………………………………………………………………………………………

Kini nga article mabasa sa BARUG 2008, ang official publication sa FORGE. Tumong niini ang paghatag og impormasyon mahitungod sa nagbagang mga isyu, ingon man sa kalambuan sulod sa FORGE ug sa iyang mga programa.

One comment on “FORGE 20th Anniversary Celebration “Sustaining the Passion for our Vision””

Write a Reply or Comment

Your email address will not be published. Required fields are marked *


Pin It on Pinterest